沒有出眾的球技，沒有優勢的身型，亦沒有星味的人氣，只憑雙腿跑出一片自己的天空，接近六個年頭，對於一個球員黎講雖然算唔上一生一球會，但以日子黎講絕對唔係一段短時間，為車路士衝擊一個又一個冠軍名譽，為球會負出自己的所有，你還記得那些年的藍色肯亞人嗎？佢叫拉美利斯…
由賓菲加加盟，穿上舒夫真高所遺下的7號，拉美利斯似乎要為這個號碼重新定義，與沙洛文卡勞相似的身型，無論踢法風格、理想位置，車路士球迷都對於哩位巴西國腳感到陌生，但拉美利斯好快喺佢地面前解開一切問號，只要一有上場機會，佢就好似上左粒無限電量既電芯一樣，不斷在球場上奔跑，不斷參與組織進攻，同時不斷回後防守，即使加時亦好似有用唔完氣力，從未有力竭跡象。
踢法風格驅使拉美利斯在多任車路士主帥掌權之下仍能得到一定機會上陣，更重要係佢喺陣中既多變性，理想位置必定係Box to Box全能中場，亦同時可以擔任右中場及防中，而且戰術執行力高，能夠適應不同陣式同戰術風格。單單為車路士效力哩五年半，經已為球隊贏盡歐聯、歐霸盃、英超、聯賽盃及足總盃，立下唔少汗馬功勞，大滿貫功臣無容置疑。
當中最令球迷刻骨銘心定必係2012年，作客魯營球場與巴塞隆拿決一死戰所入既果一球，如果無佢，果屆既歐聯盟主亦未必係車路士。但令人意外既係，本以為拉美利斯至少會伴車路士效力到30出頭，但以28歲既黃金之年就選擇離開轉投中超，毅然告別歐洲球壇，不禁令一眾球迷認為巴西人單純「向錢看」，拉美利斯事後指出主要原因，係被當時既看守領隊希丁克所摒棄，引致有離隊他投既想法。
時也命也，但拉美利斯既離開並沒有中斷佢與車路士之間既情，去年巴西人喺中超比賽受傷，証實韌帶嚴重受創，都係番英國由車路士負責治療，球員亦喺近日開腔表示未來有機會重新穿上藍色球衣，似乎係想將主動權交番去車路士身上。
拉美利斯成功為藍色7號重新定義，而簡迪繼續承傳哩個7號發光發亮，唔知將來有冇機會見到哩兩個7號一齊喺同一個場上奔馳呢？
文章最後更新時間 : 22/03/2018 17:00
《原創文章 歡迎轉載 請列明出處 謝謝》