如果你睇開英超都有一段唔短既時間，而即使並非利物浦或者車路士既球迷，亦可能被佢身上注目既紋身，或者髮型吸引到你既眼球注意佢。雖然佢踢法唔算悅目，但總算係個全能中場，你仲記唔記得佢？佢叫美利拉斯(Raul Meireles)。
．圖片來源 : Berita Unik Terbaru – blogger
由利物浦轉會到車路士既佢，係繼費蘭度托利斯/(Fernando Torres)以及班拿約(Yossi Benayoun)後第三位轉投到藍橋既球員，似乎當時車路士對能夠攻破己方大門既紅軍球員情有獨鍾。在當時艾辛(Michael Essien)長期養傷底下，中場中人手配置非常有限，只有林伯特(Frank James Lampard)、拉美利斯(Ramires Santos do Nascimento)、米基爾(John Obi Mikel)以及一班較年青小將，的確有需要增添一名較為全能既中場。而美利拉斯並非當時車路士既第一目標。
．圖片來源 : Uefa
車路士將哩個位置既首選定喺當時仲效力緊熱刺既莫迪歷(Luka Modrić)身上，而且不斷加碼報價，但通通被拒，球會不得不另尋目標。好快車路士就與美利拉斯就扯上左關係，而球員轉會後指出當時收到報價後並不希望離開紅軍，似乎利物浦既決定成為左哩單轉會既關鍵。而美利拉斯同當時車路士新上任既主教練韋拿斯保亞斯(André Villas-Boas)曾經喺波圖短暫合作，雙方互相都有一定認識。
．圖片來源 : static.guim.co.uk
美利拉斯既踢法較為全面，無論攻守都十分稱職，能夠擔任中場上每個位置，主要取決於教練戰術既部署安排，而且球員遠射準繩度亦相當高水準，只要皮球落喺站於接近禁區線外既佢腳下，幾乎每次都能夠命中目標。自佢同林伯特離開之後都無乜邊個球員能夠喺遠射方面接棒，回憶片段令人懷念。
．圖片來源 : telegraph
在韋拿斯保亞斯手下，美利拉斯成為中場既絕對主力，不過經過一輪動盪後，迪馬堤奧(Roberto Di Matteo)走馬上任，佢就成為左輪換球員。而喺歐聯準決賽被判罰一面黃牌，導致佢不能夠喺安聯球場既決賽上陣，可以話非常可惜，不過最終美利拉斯都能夠為球隊贏得歐冠以及足總盃兩座奬盃，絕對係寫下歷史。
．圖片來源 : aljazeera
車路士成為歐聯冠軍後，球會方針亦都改變了，同時吸引唔少年輕有名既球員加盟，在於換血係大勢所趨，最終美利拉斯亦離開加盟費倫巴治。一季光陰，一名過客，也值得球迷跟他說聲，美利拉斯，多謝你！
文章最後更新時間 : 27/03/2018 13:30
《原創文章 歡迎轉載 請列明出處 謝謝》