路夫斯捷克，見到哩個名喺英格蘭出戰世界盃名單之中可以話絕對令人感到意外，修夫基放下身段，棄用名牌好似韋舒亞哩類既創造型中場，換黎上季效力英超中下游水晶宮既路夫斯捷克，似乎對佢寄予厚望，未來會係英格蘭中場新希望嗎？
曾經喺時任車路士領隊摩連奴手下得到了首次車路士一隊上陣機會，當時打既位置係中場中，而自干地上任後將佢既定位改翼鋒（影子前鋒），由當年被譽為德國中場波歷克既接班人，到近年喺邊路上學得夏薩特似模似樣，似乎同時能夠擔任中場同翼鋒將會係佢將來留喺車路士既最大優勢，亦係令唔少藍軍球迷感到驚喜。
龍虎切自8歲就加入車路士青訓體系，同期隊友有蘇蘭基、艾巴咸、查路巴、艾基等人，可以話係近年藍軍質素最高既一屆青訓，路夫斯捷克腳法了得，控球同護球能力強，加上擁有高達1米91既身高，而且能夠單人匹馬連人帶波推進一段距離，充分利用到自己既先天優勢以及足球天賦，為各青訓梯隊衝擊一項接一項既青年冠軍，屢獲殊榮，亦一步步為穿上車路士一隊球衣上陣而鋪路。
皇天不負有心人，路夫斯捷克既表現好快就受到當時領隊摩連奴所注視，首次上陣就係以後備身份入替法比加斯，更加係喺歐聯分組賽完成佢既處子戰，相當受外界注目。由於當時藍軍中場人手捉襟見肘，葡萄牙主帥好快將路夫斯捷克提升至一隊效力及參與集訓，亦開始喺各項賽事得到一個又一個既上陣機會，但其實哩位英格蘭新星並非毫無缺點，無論摩連奴定係干地都有批評過佢懶於跑動，經常等波到欠缺積極性，而上季被外借到水晶宮後喺哩方面的確有稍作改善。
路夫斯捷克喺經已提早結束世界盃後休假，返回車路士報到，明顯想預早與新帥沙里會面及準備新球季，希望新一季能夠見到佢著上藍色戰衣出賽。
文章最後更新時間 : 31/07/2018 16:45
Facebook Comments