過去兩季馬高斯阿朗素嘅表現相信大家都有目共睹，「帶刀侍衛」之名亦係繼伊雲奴域後再次出現在史丹福橋，但去到今季喺球隊成績未如理想之下，阿朗素不滯嘅表現正正首當其衝，被球迷們評為「失分罪人」、「左路放題」等冷嘲熱諷嘅別稱，由天堂跌入地獄的背後，為何有這樣的落差？
馬高斯阿朗素係干地上任後第一批買嘅球員，雖則唔肯定係咪意大利人心目中嘅首選，不過球員喺干地手中的確發揮得如魚得水，隨住轉變為三後衛陣式，阿朗素就一直係左翼衛嘅首選，球員過往都曾經擔任過哩個位置，擁有精準長傳嘅左腳，處理罰球具備一定質素，同時並非底線傳底強行出波嘅球員，而球員偏好進攻，經常走入禁區令佢偶有斬獲，但阿朗素速度偏慢，好多時上左前助攻都番唔切後防守，要身後專注於防務嘅卡希爾幫佢執手尾，不過喺取長補短之下三後衛陣式可以話將佢嘅最大功用發揮出黎。
速度問題一直都存在，年齡上要阿朗素喺哩方面再作提升未免過於困難，而沙利上任後亦將前兩季嘅三後衛陣式轉變為主攻嘅433陣式，將阿朗素嘅弱點表露無遺，由於球員偏好進攻嘅本性無改，引致反擊回防時不斷比人爆速，身後亦只有大衛雷斯補位，只要後者一主動出擊進行攔截，中路就會出現更多空間比對手喺禁區起腳，魯迪加一人亦都無力阻擋太多，喺一連串連貫性嘅影響下成條防線可以話「牽一髮而動全身」。
其實喺干地上任初期繼續維持4231陣式果時都睇到阿朗素打左閘位係有問題，如果以現有嘅人腳配置，其實上季加盟嘅艾馬臣打哩個位嘅正選會比起前者理想，至少喺速度上哩位巴籍意人依然好氣好力，回後喺速度上都追到對手或者幫隊友補位，但沙利認為阿朗素喺處理罰球以及防守死球方面較為出色所以一直以正選出賽，明顯指出艾馬臣身高上得不到優勢，但哩個理由實在令唔少球迷不解。
過
Facebook Comments